۹ متن جدید روضه و نوحه سینه زنی ترکی در وصف شهادت امام سجاد (ع)
جدیدترین متن نوحه ترکی شهادت امام سجاد
روضه شهادت حضرت امام زین العابدین (علیه السلام)
اسیره باخ، ایلیوبدور هامی جهانی اسیر
جهان و اهل جهانه ووروب آغیر زنجیر
اسیره باخ که اولوب عشق کوینه درویش
اوزی مریضیدی، لیکن آدیدی مرهم ریش
بلینده سنگ قناعت، دیلنده کلمه حق
گورن دیردی که هو، عشقوه سنون صدق
گوروبدی مرشدی، خوان کرمدن ایلر جود
طریقت اهلینه ایلوبدی بیر کرم، دم و دود
اسیره باخ دیه سن تیر خورده آهودور
دمیندن آنلاشوری، ورد و ذکری یاهودور
اسیره باخ که اولوب دوست مدحنه مشغول
عصاسی الده تبردور، ایکی گوزی کشکول
اسیره باخ که ایدوبدور عمامه سین چلتار
سیخوبدی بوینونی زنجیر طره دلدار
اسیره باخ که اگر ایلسیدی بیر ایما
یاناردی طور محبتده حضرت موسی
اسیره باخ که یوزی شعله شب دیجور
یتنده هر یره ایلردی رشگ وادی طور
اسیره باخ که وجودی ثبات عالمدور
غلامی حضرت عیسی، کنیزی مریمدور
اسیره باخ، دوه اوستنده گر چکیدی نفس
قالوردولار دالی، سسدن دوشردی بانگ جرس
اسیره باخ که اگر بیر دیسیدی یا محبوب
دیردی مسنی الضر، حضرت ایوب
اگر اسیر دیسن سن، اسیر امام اولماز
اسیرده بولوسن قدرت قیام اولماز
اگر بو سوز دیه سن سن، خلاف مذهبدور
یقین ایله که سن بولمدون نه مطلبدور
بونا اسیر دیمون، بیر باخون، ایدون انصاف
گوگون ملکلری ایلوله دوره سینده مطاف
کشیکچی حضرت موسی، صاقندا الده عصا
صولوندا حضرت آدم گیدر صباح و مسا
اولوبلا عالم باطنده طرقو گویان
و لیک عالم ظاهرده قاننه غلطان….
شاعر : مرحوم ثریا
بیشتر بخوانید::
تاریخ دقیق شهادت امام سجاد (ع) در سال ۹۸ چه روزی است ؟
جدیدترین پیام شب یازدهم محرم شهادت امام سجاد(ع)
نوحه سینه زنی ترکی شهادت حضرت امام سجاد (علیه السلام)
بوگون بو گوشه ویرانه ایچره غمخوارم
اسیر سلسله ظلم قوم کفارم
بویوندا سلسله انظار خلقیده گویا
اسیر دیلم وروم و فرنگ و تاتارم
قوری یراسته دوشوبدوربو یرده جسمیم زار
علاوه بو مرضیمدن اسیر و تبدارم
بواهل شامه گرک نسبتیمی فاش ایلیوم
که من سلاله پاک رسول مختارم
گتوردی تنگه منی بو دو شاخه و زنجیر
نیدیم که سلسله ظلمه من گرفتارم
رقیه ناله سی دلدن توان و تاب اپارور
گیجه صباحه کیمی نیلیوم که بیدارم
خرابه ایچره چراغ و طعام و فرشیم یوخ
بو حالیله اسرایه اوزوم پرستارم
وورالا طعنه بیزه شامیان بد کردار
نشان تیرو خدنگ جفای اغیارم
غمیم چوخالدی داغیلدی ایلیم اتام الدی
دیارشامیده یوخ مونسیم دل افکارم
داغیلدی ظلم و جفائیله دودمان رسول
اسیرعیالینه دشمن ایچنده غمخوارم
کسوبدی شمربابام باشینی جفائیله
جوانلاریمی شهید ایلیوبله بی یارم
گوزوم ایوینده باتوب قانه کاکل اکبر
یخیلدی سرو کیمی قامت علمداریم
خدنگ حرمله دن سولدی گل کیمی اصغر
الیم یتوشموری مشتاق سیر گلزارم
رضای حقیدی حکم قضا علاجیم یوخ
مدام دلخوشام حکم خدایه غمبارم
بو استانیه (مضطر) قویوبدی روی نیاز
همیشه عرض ایدوری یا حسین گنهکارم
شاعر : مرحوم مضطر قفقازی
متن زمینه و سینه زنی شهادت حضرت امام زین العابدین (علیه السلام)
قرخ ایل بابا دنیاده من سندن صورا قان آغلادیم
آخِرده زهر کینیله ویردیم بابا جان آغلادیم
دوشدوقجا یاده کربلا قان آغلادیم صبح و مَسا
دردیم مَزید اولدی بابا هر لحظه هر آن آغلادیم
گوردوم بابا هر یرده سو ایتدیم سنی من آرزو
کَسدی سوسوز باشون عَدو، اُلدوردی عطشان، آغلادیم
قویمادیلار قومِ ظَلَم نعشون سنون غسلین ویرم
قبره قویوب دفن ایلیم اولمادی امکان، آغلادیم
یاندیم غم ایّامیده هر صبحیده هر شامیده
گه کوفه ده گه شامیده اولدوم نواخوان آغلادیم
اولدی عیالون دستگیر اشرار اَلینده بیر به بیر
بیماریدیم منده، اسیر اولدوم بابا جان آغلادیم
ویران اولِیدی کوفه نی اودلاره یاندوردی منی
خولی ایدوب بُلدوم سنی کُل اوسته مهمان آغلادیم
گوردوم باشون زیبِ سِنان ایتموش جداسینده سَنان
بو ظلمی من گورجک همان چوخ ایتدیم افغان آغلادیم
یاندیم سنون احوالیوه، پوزقون پریشان حالیوه
باشسیز قالان اطفالیوه اولدوم نگهبان آغلادیم
اولدوم جهاندا اشکبار، قان آغلادیم لیل و نهار
ایتدیم حسین آدین (بهار) هر یرده عنوان آغلادیم
شاعر : مرحوم بهار
متن شعر ترکی در شهادت حضرت امام سجاد (علیه السلام) برای مداحی
فخر ساجدین غمینده ، قبریده پیمبر آغلار
فاطمه دئیر اوغول وای ، مجتبی و حیدر آغلار
شاه ملک محنت و غم اوغلونا دوتوبدی ماتم
چوخ چتین بیانه گلسون بو شهنشهین ملالی
اود دوتور یانور وجودیم یاد اولاندا شرح حالی
جان وئروبدی حسرتیله باغریقان اؤرک یارالی
حوریان جنّت اولموش حالینه مُکدَّر آغلار
ساقی قضا الیندن مرگ شربتین ائدوب نوش
ترک ائدوب فنا جهانی اولدی خاکیله هم آغوش
محنت و مصیبتینده ماسوا اولوب سیه پوش
قدسیان باتوبدی یاسه اهل عرش داور آغلار
بو علیل امام بی حدّ بو جهاندا اولدی مظلوم
عمرینی یتوردی باشه مین ملالیله بو مغموم
عاقبت هشام الینده ظلمیله اولوبدی مسموم
قان اولور اؤرک غمینده ماتمینده گوزلر آغلار
اولمادی گورن جهاندا شاد فخر ساجدینی
بس که بو شهون واریدی دلده داغ آتشینی
گوز یاشین توکوب چکردی دائم آه دل نشینی
آهینون شراره سیندن اود دوتوب اؤرکلر آغلار
هر بلا اونا یتیشدی صبر ائدوب دوزوب دایاندی
گه یانان چادرلار ایچره قالدی اود ایچینده یاندی
گاه گردنینده زنجیر شام و کوفه نی دولاندی
انبیا او حاله دائم آه وناله ایلر آغلار
دین یولوندا هر جفایه صبر ائدوب تحمل ائتدی
قلبدن دوزوب دایاندی هر نه درد و غصه یتدی
غلّ جامعه بویوندا دست بسته شامه گئتدی
بوکدی سرو قامتین غم حالینه صنوبر آغلار
بس که سالدی گول وجودین ظلم اشقیا فشاره
سلسله او قدری سخدی بوینون آخر ائتدی یاره
اولمادی وئرن تسلی بیر نفر او شهریاره
ایندیده او حالی زهرا یاد ائدر مکرر آغلار
بام لردن اودلی نی لر توکدولر او قوم باطل
او دوتوب یانوب عمامه ایلدی گئنه تحمل
بیر یره یتنده اما سلب اولوبدی طاقت دل
گوردولر که ناقه اوسته سس چکر او سرور آغلار
بولمورم نه غم یتیشدی سرّینی ائدنمرم فاش
یاندی خاطر شریفی توکدی گول عذاره قانیاش
سویلدی منی ازلدن دوغمییدی هئچ آنام کاش
گر بیزی بو حالتیله گورسه قوم کافر آغلار
ساخلادی آتا عزاسین جان وئرینجه گلدی داده
سو گورنده یاندی سالدی شاه تشنه کامی یاده
آج سوسوز دیردی وئردی جان دیار کربلاده
ایمدیده آتام حسینون حالینه ملکلر آغلار
سهلدور آتام حسینون کسدیلر باشین لب عطشان
سویدی سربسر لباسین ظلم الیله قوم عدوان
نچه گون یارالی نعشی قالدی گون ائوینده عریان
باخمیوب او تشنه شاهه زخم تیغ و خنجر آغلار
دستگیر ائدن گون اعدا عترت شه غریبی
ناقۀ نحیفه دشمن میندیروب او غم نصیبی
چون مریضیدی اولوندی غلّ جامعه نصیبی
هر گجه گونوز او حالی ایلین مُصوَّر آغلار
صبریله ائدر اقامت بیر مریض خسته هاردان
گردنینده قید دشمن گون قباقی ناقه عریان
بیر علاوه وورسون هر دم دل یاراسی قوم عدوان
چشم دل همین او حالی ایله دوقجا منظر آغلار
بیر مریض کیم اونون وار بیر طبیبه احتیاجی
گورسه دستگیر اولوبدور اشقیایه عمه باجی
صبر ائدوب نجه دایانسون نیلسون ندور علاجی
خردا قیزلاری ووراندا فرقۀ ستمگر اغلار
شاعر : مرحوم عاصی
بیشتر بخوانید::
جدیدترین پیام شهادت امام سجاد علیه السلام
دانلود جدیدترین نوحه، روضه شهادت سجاد (ع) از مداح حاج محمود کریمی
عکس نوشته و متن زیبا از شهادت امام زین العابدین علیه السلام(امام سجاد)
مداحی احوالات حضرت امام سجاد (علیه السلام)
حضرت سجاد قرخ ایل شادوخندان اولمادی
دردینه جز درد دین بیر اوزگه درمان اولمادی
کربلاده کربلانین گوردی عاشورا سینی
فاطمه اوغلی حسینین محشر کبراسینی
قانه غرق اولموشلاری پر موج قان دریاسینی
سانما احساساتی دریا تک خروشان اولمادی
بیرطرف قانلار سپیلدی ایتدی گلگون داشلاری
بیرطرف جام شهادت نوش ایدوب یولداشلاری
بیر طرفده قانینه غلطان دوشوب قارداشلاری
ایلدی حسرت اولار تک قانه غلطان اولمادی
ایتدی اقبال شهادت دین یولوندا اهل دین
چاتدیلار بو فیضه یتمیش بیر نفر مرد آفرین
اولدی بیله فیضدن محروم فخر الساجدین
چوخ چتین گلدی اونا بو امر آسان اولمادی
بیرطرف فیض شهادتدن اولوبدی بی نصیب
دردی درد اوسته گلوب نه بیر دوا نه بیر طبیب
دور و بر بی شرم دشمن ایل اوزاق قالموش غریب
دردینه جز درد دین بیر اوزگه درمان اولمادی
چوخ سوَردی توپراقا دین اوسته قانی آخماقی
سرخ رو قان ایچره قانین چهر دینه یاخماقی
چون چتین گلدی دوروب جنگاهه ساکت باخماقی
حیف خستیدی قیامه اوندا امکان اولمادی
گوردی دشمنلر نجه قلب بتولی اویدولار
قزلاری نه وضعیله غارت گونونده سویدولار
چوللره یانمیش چادرلاردان چخوب یوز قویدولار
هامّی قاچدی سانما بیر فردی گریزان اولمادی
خیمه گاه دین یاناندا دوندی شامه گوندوزی
ایستدی بوگیروداری گورمه سین حق بین گوزی
امر ایدوب قاچدی هامی قالدی یانار اوددا اوزی
عمه سی اوددان چخاتدی اوددا سوزان اولمادی
گوردی قان دریاده غرق اولموش یارالی نوحینی
سو یانیندا تاپدی دینین کشتی مطروحینی
ویرمدی الدن گنه روحیۀ پر روحینی
ظاهرا پوزقون ولی باطنده پژمان اولمادی
خاک و خونیله هم آغوش اولدی جانبازان دین
قالدیلار بی سراو خونین چولده سربازان دین
سرفراز اولدی جدالرده سرافرازان دین
گوردی بو حالی گنه دل صبری تالان اولمادی
گوردی غوغائیله دولموش سرزمین کربلا
قتل عامیله اولوب خاموش مطلق برملا
هر طرف آچمیش گل سرخ شهادت جابجا
سانما سونلار کربلا دینی گلستان اولمادی
دور ایدوب هربلبل شوریده بیر گل باشینه
هر آنا اوغلون تاپوب ویردی خبر گوزیاشینه
هربالا اوخشار آتایه هرباجی قارداشینه
نینوا دشتی نواسیزبی نواخوان اولمادی
خون طاها وعلی و خون زهرا و حسین
رگ لرینده جابجا جاری حسینه نور عین
ترک ایدوب قانلو بیابانی امام نشأتین
بو حیاتی مرگدن واقعده آسان اولمادی
بیر طرفدن دست بسته دل شکسته قلبی پاک
بیر طرفدن وار قاباقدا سرنوشت هولناک
قرخا دین همره یتیم داغ دیده سینه چاک
سانما بو مولا اوزی جزه اسیران اولمادی
نه اسارت قید کین قوللاردا گوزده اشگ تر
بیر حیات مرگبار و محنت افزا بیر سفر
نه سفرآدی سفر باشدان باشا خوف و خطر
بو اسارتده اونا امنیت جان اولمادی
نه سفر دوشموش یول اوسته چوخ غم آور شهرلر
هر طرف اهل جنایات خِفا و جَهرلر
طعن بیگانه شماتت لر عتاب و قهرلر
روبرو وحشی لر اونلان اولدی انسان اولمادی
کوفه شهرین دولدوروب باشدان باشا جوش و خروش
روبرو حقی دانان دنیاپرست وخود فروش
قول قونادسیز قوش کیمی آل پیمبر سربدوش
کیم دیر قلب شریفی غنچه تک قان اولمادی
ناقۀ عریان لار اوسته پیکر تبداریله
روبرو ایله آییلماز یوخلیَن افکاریله
یوخلیَن خلقی اویاتدی آتشین گفتاریله
اولمیه بیدار او گون روشن مسلمان اولمادی
نقطۀ پرگار ایمان اهل کفره دستگیره
شیریدی روباه لر مکریله ایتمیشدی اسیر
بسته زنجیر اولا عار ایلمز شیر اوغلی شیر
دوزدی زنجیره قولی باغلی پریشان اولمادی
ویرمدی روحیه سین الدن امام دادخواه
گوردی تهدیدات خصمی خسرو اقلیم جاه
دشمنه دشمن لر ایچره ووردی ضربه گاه گاه
اوز وقارین ساخلادی پابند خذلان اولمادی
مجلس ابن زیاده گیتدی قولدا قید کین
قتلینه شمشیر کینه چکسدی جلاد لعین
وقرینی سندیرمادی اول حجت روی زمین
ذره جه دین اوسته اؤلماقدان هر اسان اولمادی
اوتدان الهام آلدی زینب بانوی مهدِ وقار
ویردی فرمان دوردی آل الله یریندن بیقرار
آلدیلار جلاد الیندن عابدی پوزقون قطار
عابدین قتلینده اجرا قانلو فرمان اولمادی
کوفه ده دللرده قویدی انقلابی بیر اثر
پای تخت آل هنده باغلادی بار سفر
وارد اولجاق گوردی نه شامات یکسر شور و شر
اؤلدوره روحیه سین بو وضع عنوان اولمادی
چوخ چتین گلدی اونا شام جفا هنگامه سی
دلخراش اولدی اونون شاماتده برنامه سی
باشینه اود یاغدیراندا دوتدی اود عمامه سی
قوللاری باغلیدی خاموش ایتسون امکان اولمادی
چوخ جفا شام ایچره گوردی فرقۀ بیداددن
چوخ شماتتلر ایشیتدی قوم بد بنیاددن
بارها قورتولدی شَرِّ قان توکن جلاددن
استقامتله دایاندی حالی پژمان اولمادی
درد و رنجه آشنا ایتدی اونی بیگانه لر
گه یری زندان اولوب گه گوشۀ ویرانه لر
شمع تک دورین آلوب پرسوخته پروانه لر
ایله هیچ پروانیه شمع شبستان اولمادی
شاعر : مرحوم تائب
متن سینه زنی ترکی شهادت حضرت امام سجاد (علیه السلام)
قدسیان یاسه باتوب عالمِ معناده بوگون
آغلوری لوح و قلم سیّد سجّاده بوگون
عالم معناده بوگون
نه بنی نوع بشردور که باتوب ماتمه تک
غملنوب انجم وخورشید سما ماه فلک
نوحه خوان روح‌الامین، ناله ایدر جمله ملک
دوشنوب فرش عزا عرش معلّاده بوگون
دولدوروب عالم امکانی بوگون شور و نوا
بیر موثّر غمیله درده گلوب ارض و سما
اوصیا و رسل آغلار باش آچوب شیر خدا
قالمیوب تاب و توان آدم و حوّاده بوگون
چوخ مصیبت چکوب عالمده بو مولای علیل
منجنیق ستمین اولدی دچاری چو خلیل
عمریجه سالدیلا غم آتشینه قوم رذیل
شیعه یانماقلیقا اولسون گرک آماده بوگون
کربلا واقعه سیندن صورا هر صبح و مسا
آغلادی جدّی حسینه واریدی قدرتی تا
ایمدیده سو گوره شاید که دیه وا اَبتا
توکه گوزیاشی یوزه عالم بالاده بوگون
بولمورم هانسی غمین ایلیوم ای شیعه بیان
قولی باغلی نجه عرض ایلوم اولوب شامه روان
یاده دوشدوقجا او احوالی گوگولّر اولی قان
اود سالور قلبیمه گلدوقجا غمی یاده بوگون
شامیده گور نه قدر چکدی مصیبت بو امام
کسیلوب طاقت و آرامی اولوب صبری تمام
دوغمییدی بویوروبدور منی ایکاش آنام
گورمییدیله منی بسته ی قلّاده بوگون
وارد شام اولاندا او امام اوغلی امام
اود توکوبلر باشینا فرقه ی بی ننگ و لئام
دوزدی هر بیر ستمی گوردی روا قوم ظُلام
آغلادان شیعه نی اول قصّه دی دنیاده بوگون
بزم شربه گیدوب آخِرده اولوب دردی مزید
ساخلیوب قوللاری باغلی ایاق اوستونده یزید
خیزران ووردی آتا باشینه اول شوم عنید
یتدی غم واقعاً اول سیّد سجّاده بوگون
غم سجّادیده قان آغلاسا عالم یری وار
گوزدن آخسا یوزه اشکون یرینه دم یری وار
بو مصیبت گر ایده عالمی برهم یری وار
ماسِوا یاسه باتا بو غم عظماده بوگون
شاعر : مرحوم شهاب
در شهادت حضرت امام سجاد (علیه السلام)
کثرت غمدن اولوب ماتمسرا عالم بوگون
سید سجـاده زهرا ساخلیوب ماتم بوگون
کوفه و شامی دولاندی بو وطن آواره‌سی
اولمادی بیر دردینون امّا اولونجه چاره‌سی
کربلا زنجیرینون بوینونـدا قالدی یاره‌سی
حقّـی وار آغـلار او حالـه دیـدۀ عالم بوگون
سیل اشگین صفحه رخساره دائم باغلادی
سینه‌سیـن آه شـرر باریله یاندی داغلادی
جان ویرنجه اوز آتاسین یاده سالدی آغلادی
هر گوزه باخسان عزاسینده اولار پُر غم بوگون
عمرینـی آغــلار گوزیلــه ایلـدی آخر تمام
میل ایدوب نه بیر سرین سو نه دویونجه بیرطعام
هاردا سو گورسیدی سویلردی سوسوز اُلدی بابام
قلبیمی داغلار منیم بو محنت اعظم بوگون
هر اسیرین باغلی ال هر چند قلبین داغلادی
باخدی هر کیم قید و بند ظلمه یاندی آغلادی
ناقـه‌ده امّـا بونـون دشمن ایاقین باغلادی
بو مصیبت آرتـرور اهـل ولایـه غم بوگون
اهل کوفه چکدی زنجیره تن تبداریله
ایتدیلر بیمـاره حرمت زحمت و آزاریله
کوفـه‌ده زندانه گتدی عترت اطهاریله
اشگیله سالام او زخمین سوزینه مرهم بوگون
آشنالـر یانــدی بــزم عامـده بیگانـه‌دن
قتلینـه اقــدام اولانــدا زادۀ مرجــانه‌دن
اولدی بیر سوزش نچه جاندان گچن پروانه‌دن
زینبـون حالـی ایدر احوالیمی برهم بوگون
اهل شامیـن قالموشام حیرتده ظلم فاشینه
باخمیوبلر اول شهین گوزدن آخان گوز یاشینه
توکدولـر گـه اودلی نیلر گاه تپراق باشینه
بوجنایت فکری قالمور بیرکسه مبهم بوگون
رسمـدور زنجیـر دائـم الفـت ایلـر شـریله
سلم محض اولموشدی باشینده اولان تقدیریله
بـزم شُـربه ایتدیلـر حاضـر غـل زنجیریله
پایۀ احکام او حالتدن اولوب محکم بوگون
دلـده یـوخ یارا اونون شرح ایلیم هر محنتین
چوخ چکوب شامین یولوندا اهل بیتین زحمتین
خاصّـه گُل یوزلـی رقیه آلدی دلدن طاقتین
حالینی فکر ایلورم حالیم اولور برهم بوگون
ویردی جان ویرانه یرده اولمادی دفن ایلین
گوشه غربت قـوری یر نه گلن وار نه گیدن
اولدی نه غساله نه قبرین قازان نه بیر کفن
ایلیوب امّا بنای عشقی مستحکم بوگون
بولمـورم نـه طرزیله تنظیمدی برنامه‌سی
لوح تقدیره نه یازمیشدی مشیّت خامه‌سی
اللـر باغلی باشینـدا اود دوتوب عمامه‌سی
حقّـی وار یانسا او حاله عالم و آدم بوگون
عشقـده از بس واریـدی قـدرت خلّاقه‌سی
ریشه سالمیشدی نهادینده محبّت ساقه‌سی
قبرینون اوستونده جان ویردی وفالی ناقه‌سی
ناقـۀ فکریــم ایـدر بو غـم اَلنـدن رَم بوگون
تک نـه منـدن پنجـۀ آلام آلار صبر و قرار
بوردا سسلر وای حسین وای اهل دل بی‌اختیار
ذوالجنـاح اوستـن دوشنـده قتلگاهه زخمدار
عرض ایدوب یارب وفای عهدیدن شادم بوگون
ایستدی چوخ روشن ایتسون اهل عشقه مطلبی
خیمگاهـه گلــدی دلــده اَلظُّلیمــه مرکبی
زلـف تـک آشفتـه حال ایتدی وفالی زینبی
سرّی وار زینب آدیله غم اولوب مدغم بوگون
چون او مرکب راکبیندن تاپدی شرمنده اوزین
قیزلارین حالین گوروب اشگیله دولدوردی گوزین
کاکلیندن اوپدی بیر قیز بیر بالا اوپدی یوزین
خلـدده یـانمـاز نجـه پیغمبـر اکـرم بوگون
ذوالجناحین تا سسین آلـدی حریـم اشگبار
بولماقـا حالیـن سکینـه خیمدن اولدی کنار
گوردی بی‌صاحبدی یال و کاکلیندن قان آخار
صاحب عصرین اوقان ایلر سرشگین یَم بوگون
سسلدی گل عمه بو آت گورنجه حسرت باخور
قلب دنیانـی شـرار آهـی بیـر اود تک باخور
حالی چوخ پوزقوندی گوزدن اشگی دریا تک آخور
رشگ ایدر بو اشگِ چشمه چشمۀ زمزم بوگون
بیـر نچـه مـدّت قاباق ای سرور عالی تبار
یازموشام بو نوحه‌نی افسرده حال و اشگبار
ایمدی دوز بیر نیم قرن اولدی الیمده خامه وار
مـن فقیـرم لطفـوه نـه سائـلِ درهـم بوگون
شاعر : مرحوم خوندل
احوالات حضرت امام سجاد (علیه السلام)
او امامی که یاناندا خیمه لر اولدی امام
سوز و آه و غم و اندوهیله ایلیوب قیام
ماتم و غم اریدن جانی مثال شمع اولوب
آغلیوبدی گجه گوندوز شه عطشانه تمام
غربت و غمده کچن گونلری، پایانه یتوب
سسلیوردی یاحسین، کاش آتا! قربانون اولام
عمرینی غملر آلان، قبریده غربتده قالوب
ای فلک کاش اولا من قبرینی آغوشه آلام
کیم گوره غمزده قبرین اورگی قانه دونر
زائر و خادم و شمع سیز اولان قبره سلام
شاعر : قربان مطلبی
زبانحال حضرت امام سجاد (علیه السّلام)
من امام اوغلی امامم هامیـدان چوخ مظلوم
خوش گونه عمریده حسرت اوزی درده محکوم
جسمیمون قمچی یازان خاطره سین کیم اوخوسا
چکدیگیم درد و مصیبت اولار اوندا محکوم
اورگی داغلیلارین حالینه دل داغلامشام
آتاسیز قیزلاریلان چوخ گجه لر آغلامیشام
ال ایاقی یارالی قیزلاری اطرافه یغوب
اوز الیمله باجیمون من ایاقین باغلامیشام
چوخ گجه آز قالوب ئولدورسون او بیکس اوزینی
آغلیـوب فاش ایلمـوردی اورگنـدن سوزینی
سیخلـوب گوشـۀ ویرانیـه ایلـوردی نـوا
ال چکوب ساچلارینا سلمشـم آغلار گوزینی
آغلیان گوزلرینه دشته آخان چای دئمیشم
او دیوب وای بابا منده اونیلام وای دئمیشم
هر آنا ایستیوب آهسته دیه لایلای اوغول
آنا تک منده او نالانیله لایلای دئمیشم
اولموشام قلبی سنق قیزلارا من دل دایاقی
قوشمشام سس لرینه سس آتاسیزلار سیاقی
قلبیمی قان ایلیوب شامیـده ویرانه سرا
آنالار اوز ئولن اوغلانلارینا اوخشاماقی
آل هاشم آیینون باتماقینا آغلامشام
قتله قارداشلاریمون چاتماقینا آغلامشام
ویروب اوز سهم غذاسین اسرایه گجه لر
بی بیمون چوخ گجه آج یاتماقینا آغلامشام
قوشمشام ناله می من ناقه لر اوستنده یله
اوخشادیوب گوزلریم اوز اشگنی طوفانلی یله
قمچی رّدیندن اوپوپ نازلی رقیه قولون
دئمیشم الده ئولن فاطمه تک طاقت ایله
ایندی کاش سیز منلن عهد و وفا باغلیاسوز
داغلی قلبیم کیمی سیز قلبلری داغلیاسوز
چوخ یارا باغلامشام من هامیا آغلامشام
ایندی من جان ویرورم سیزده منه آغلیاسوز
آچمیوبلار ایله بیل قیدین هیچ اللریمی
ایندیـده باغلی خیال ایلیـورم شهپریمی
گوزلریمده دولانور کرب و بلا صحنه لری
گورورم قانلی عبا ایچره علی اکبریمی
قلبیمون آتشی جان اوسته ده خاموش اولماز
توش اولار درد وغمه آیری زادا توش اولماز
جان چیخور کرب و بلا خاطره سی وار منیلن
غارتین صحنه سی بیر لحظه فراموش اولماز
آغلارام گلشنمون لاله سینون سولماقینا
آتامون سو یـرینه آغزینـا قان دولماقینا
آغلارام قانلی بـدنلردن او قانلی چولده
کوچ ایدنده آنالارین او جـدا اولماقنا
آغلارام چوللری آواره گزن قافلیه
قول قنـادلارنی قمچیلـر ازن قافلیه
او جلالیله گیدن وقته گیدن یثربـدن
قییدنده ولی شرمنـده گلن قافلیه
گوزومه جلوه لنور خاطره دل داغلیورام
دشت رخساریمه گوز سیلین آچوب باغلیورام
شهـدانـون اسـرانـون حالینـا آغلامشـام
هامیدان چوخ ولی ایندی اوزومه آغلیورام
شاعر : هادی
احوالات و مرثیه خوانی حضرت امام سجاد (علیه السلام)
ای هامی عالملره جان یا علی ابن الحسین
عبد بی همتای جانان یا علی ابن الحسین
مدحیوه عاجزدی خامه، شانی ای فوق خیال
مادحون ذات خدادور، ای حبیب لایزال
شانیده ایزد نماسن، حُسنیده احمد مثال
مظهر الطاف سبحان یا علی ابن الحسین
ای مناجات و دعاده مقتدای صالحین
آدلانوبسان ماسِوا… ایچره فخر السّاجدین
سس گلوب گویدن سنه تک اَنتَ زین العابدین
زینتُ العبّاد یزدان یا علی ابن الحسین
اَلّی یتدی ایل عمر ایدوبسن بو فنا دنیاده سن
طول بو مدّت اولوبسان ای امام ممتحن
روز و شب تسلیم فرمان خدای ذوالمنن
ای همای اوج عرفان یا علی ابن الحسین
روز عاشورا مشیّت ایتدی ایله اقتضا
ظاهر صورتده بیمار اولدون ای روح دعا
لکن اولموشدی سنه تفویض امورات ولا
ای امام کون و امکان یا علی ابن الحسین
افتخاریله آتان ایتدی جهاده فتح باب
نخل کفری ریشه دن قیردی مثال بوتراب
آز قالوردی خانه ی ایمان و دین اولسون خراب
ایلدی تجدید بنیان یا علی ابن الحسین
روز عاشورا آتان اولدی معلّم نهضته
تا ابد اولدی معرّف جوهر حرّیّته
دینی ذلّتدن رشادتله بتوردی عزّته
اولدی احیا دین و قرآن یا علی ابن الحسین
نهضته اولدون مکمّل سنده ای حقّه ولی
ایلدون تحقیر اسارتله گروه ارذلی
اولدی زنده شامیده خون حسین ابن علی
تاپدی نهضت تازه بیر جان یا علی ابن الحسین
شامیده مسجدده سن بیر خطبه ایراد ایلدون
آل بوسفیانه کیفرخواست انشا ایلدون
اوردا فِی المجلس یزیدی خوار و رسوا ایلدون
ای حسینِ شام ویران یا علی ابن الحسین
وقعه ی کرب و بلا گیچدی ولی دل داغلادون
کربلا یادیله اشکون گل عذاره باغلادون
سو گورنده گوزلرون دولدی اوجادان آغلادون
سسلدون ایوای باباجان یا علی ابن الحسین
ای امیرالعارفین، ای هیکل صدق و صفا
روح قرآن، جان تقوا، کان ایثار و وفا
بیله شانیله سنه دشمنلر ایتدی چوخ جفا
باغرون اولدی قان یا علی ابن الحسین
چوخ جفا ایتدی ولی عبدُ المَلِک اوغلی هشام
عاقبت زهریله مسموم ایتدی اولدون تلخکام
باشون اوسته اهل بیتون ناله ایلوردی تمام
ناله نه ناله، چو نیسان یا علی ابن الحسین
بوردا بیر غم دوشدی یاده دللری چوخ یاندیرار
کربلا دشتینده امّا شمر شوم کین شعار
قویمادی زینب حسینه آغلاسون زار و نزار
اشکینی ویرسون یوزه سان یا علی ابن الحسین
سویلدی قویمولّا قارداش زینبون دل داغلاسون
باجیلار تک نعشون اوسته بیر دویونجا آغلاسون
لااقل قلبونده کی پیکان یاراسین باغلاسون
عَمّن اولدی دیده گریان یا علی ابن الحسین
ای ویرن قبری صفای جاودانه یثربه
«جابری» بیر دفعه گلدی جاهلانه یثربه
ایسته حقدن بیرده گلسون عارفانه یثربه
قویما قالسون سینه سوزان یا علی ابن الحسین
شاعر : حاج تقی جابری تبریزی
خطبه حضرت امام سجاد (علیه السلام) در مسجد شام
کرسی دینه جلوس ایتدی ستم پیشه یزید
مست اولوب دوشدی غلط فکره بد اندیشه یزید
ریشه نو گل اسلامه ویروب تیشه یزید
ظالم اجدادی گیدن یولدان او ظالم گئتدی
روح تقواسی اولان شخص لری خوار ایتدی
ویردی ناپاک آتاسی جمع ایلین سیم و زری
اولدی تامین فرومایه لرون بد نظری
آری قشری اولا کیم دینیده گورمز ثمری
پول سسی گلسه هایاندان اورا سرعتله گئدر
ساتوب ایمانینی وجدانی سر افکنده ایدر
ایکی عاملدی بیر پول بیری روحانی نما
هر زمان متحدا ویرسه له تشکیل قوا
قاباقیندا بولارون کیم دورا ایللوله فنا
نئجه خالص زریله کلک شریح بی دین
یخدیلار مشترکا خاتم پیغمبر ائوین
نینوا فاجعه سین بو ایکی نیروی قوی
قیلدی تکمیل ایدوب اهل ستم پیشروی
مشعل ظلم یانوب سوندی چراغ علوی
ئولن ئولدی بیلوسوز تنگه سالوبلار قالانی
چکدیلر رشتیه بیر عده یتیمه بلانی
سارالان گللری ظلام سالوب پیچ و خمه
شام ویرانه سی ماوا اولوب اهل حرمه
قالدیلار منزل مخروبه ده پیچیده غمه
سوزش درد مصیبتله اورک داغلادیلار
باش باشا ویردیله نوحه دیدیلر آغلادیلار
نجه کی شمع چکر شعله حرارت ده یانار
یاندوقیجا اریوب دامنینه اشکی آخار
شعله چکدی اریدی غمدن او یورقون بالالار
چوخ اسفلی حالا غصه اولاری سالمیشدی
بیر دری بیرده بدنلرده سوموک قالمیشدی
فکر بیر قطریه تشبیه مصیبت دریا
قطره دن بحرین حسابین گورر اهل معنا
اولدی هر ثانیه زهرا قیزینا عاشورا
کربلادن اورانون محنتینی آز بیلمه
سن رقیه ئولومون زیبنه آز غم بیلمه
او قیزون سنّی آز اولدی غمی بی حد و حساب
دوره لردی بالاجا قبرینی لیلی و رباب
زینبون اوخشاماسی عالمی ایلردی کباب
تاپمادوم جان بالا سویلردی علاج ئولمگوه
آغلارام گوشه ویرانه ده آج ئولمگووه
قلبیمه محنت اوخون هر بیری مین اوخدی قیزیم
یازمیشام سینمه نسگللی سوزون چوخدی قیزیم
قبروون اوسته چراغ روشن ایدم یوخدی قیزیم
داد آلان دادوی آلسون سنه امداد ایلسون
بو قرانلوق ایووی حق اوزی آباد ایلسون
چوخدی سوز یازماقا یوخ فرصتیم ای اهل عزا
بیر گیجه گوردی خانم عمّه سینی زین العبا
اوتوروب نافله لیلی ایدور یرده ادا
دیدی سن کامله سن عالمه سن محرم راز
نیه اوتدوق یری بس ایلیوسن عمّه نماز
خبر آلدون نیه مندن دیدی بو سرّی بالا
قویمادون قلبیده کی دردیمی قلبیمده قالا
اوچ گونون آجلیقی اوغلوم منی سالمیش بو حالا
ویرورم خیرداجا قیزلاره غذا حصّه می من
یاتورام آج دیمورم بیر کسه ئوز غصه می من
زینبون قیلدی سوزی حضرت سجّاده اثر
آغلادی ایتدی جمال اللهی گوز یاشیله تر
دیدی اقدام موثر ایدرم عمّه سحر
سن گرک قارداشوین گورملی قبرین گوره سن
قویمارام خیردا باجیم تک بی بی آج جان وئره سن
گئجه کی اولدی سحر باشلادی برنامه سینی
چوخ مرتب ایدوب اگننده اولان جامه سینی
آچدی سیلدی توزونی باغلادی عمّامه سینی
دیدی زهرا قیزینا سیّد ابناء بشر
گیدورم مسجده عمّه گوروم الله نیلر
ترک ویرانه ایدوب مسجده یوز قویدی امام
گوردی سجّادی گیدور ایلدی زنبده قیام
بار الها دیدی رحم ایله کمک سیزدی بالام
صورا یوز دوتدی خانم اگلشن عورت اوشاقا
ویردی فرمان گلین قیز هامی دورسون ایاقا
بیزیچون راهنمادور دیدی بو زین العبا
نچه یول قاتل الیندن بیبوز ایلوبدی رها
گیدگون مسجده شاید خطر اولدی بالاما
عهد همت هاموموز عهد ایلیون باغلاشاقون
وروب اینجتسله اطرافین آلوب آغلاشاقون
اموی مسجدی بیر مسجد زیبا و کبیر
روز جمعه ائیدی جماعت دولی حضار کثیر
دور منبرده شیوخ اموی، تیره ضمیر
وزرا هیات مخصوصیله سلطان پلید
مسجدین شاه‌نشینینده اوترموشدی یزید
ناگهان داخل اولوب مسجده فرزند نبی
جنب منبرده جلوس ائتدی شریف علوی
حیر‌ته دوشدی هامی گورجک او والا نسبی
آچیلیب رمز و اشاره یولی هر مرد و زنه
دیدیلر خارجی گلدی نیه بو انجمنه
وقت او وقت اولدی چیخیب منبره ناپاک خطیب
جیره‌خوار اموی خودسر و بی‌باک خطیب
پرده شرمی خطابیله ائدیب چاک خطیب
قیلدی تعریف ازل نسل ابوسفیانی
صورا هذیان دانیشیب سب ائله‌دی مولانی
مسجده بیر ملکوتی سس اوجالدی او زمان
توتولوب هرزه خطیبین دیلی، سیندی خفقان
او صدا صاحبی گفتاره گلیبدیر اوجادان
ای خطیب اموی ساخلا خطابه ادبین
خلقی راضی ائلیوب خالقین آلدون غضبین
صورا یوز دوتدی یزیده دئدی اول میر گرام
اذن وئر‌سن منه بو تخته‌نین اوسته چیخارام
رخصت آلدی اوتوروب عرشه منبرده امام
ذاتی اعلایه فصاحتله ائدیب حمد و ثنا
او دانیشدیقجا خانیم عمه‌سی ایلوردی دعا
ایها الناس، اولون مطلبه آگاه بیلین
بیزه بذل ایلیوب آلتی صفت الله بیلین
یئتدی نعمتله ویروب مرتبه و جاه بیلین
ارثدور جود و فصاحتله شهادت بیزده
واردی اخلاق و عبادتله شجاعت بیزده
قلب مومن‌ده اولان مهر سزاوار بیزیم
انبیاء زمره‌سینه سید و سالار بیزیم
خلقتون مفخری پیغمبر مختار بیزیم
حافظ قلعه دین حیدر کرار بیزیم
حضرت حمزه بیزیم، جعفر طیار بیزیم
لیل اسرا ملکوته گئده‌نین اوغلی منم
ساحت اقدسه معراج ائدنوناوغلی منم
قاب قوسینفتدلا گوره نون اوغلی منم
اوکی گویلرده ائدیب راز و نیاز اوغلی منم
قبله‌تینه اوکی ائیلیبدی نماز اوغلی منم
زمز‌مون اوغلی منم، مکه منا اوغلی منم
مشعرین اوغلی منم، مروه صفا اوغلی منم
عرفات اوغلی منم، غار حرا اوغلی منم
مسند عدلیده داد ایلیون اوغلی منم
ایکی نیز‌یله جهاد ایلینون اوغلی منم
گلشن کربوبلاده سولانون اوغلی منم
لخته لخته گوزونه قان دولانون اوغلی منم
قانلی باشی دالیدان ذبح اولانون اوغلی منم
سویولوب کوینگی عریان قالانون اوغلی منم
پیکری خاکیله یکسان اولانوین اوغلی منم
تانیون سیز منی مظلوم آتانون اوغلی منم
باش وئریب محضره حقه چاتانون اوغلی منم
قیزلاری چولده هراسان یاتانون اوغلی منم
نیزه لر اوسته باشی داشلانانون اوغلی منم
ئولمه میش تعزیه‌سی باشلانون اوغلی منم
خارجی آدیله مظلوم ئوله‌نون اوغلی منم
ئوزی مهمان سوسوز جان وئره‌نون اوغلی منم
اوزوگی بارماقی الده گئده‌نون اوغلی منم
ساربان اللرینه ال تاپانون اوغلی منم
سینه‌سی اوسته قوشون آت چاپانون اوغلی منم
ختم پیغمبره سیز ساخلامادوز ذره حریم
بیر اوچوق یرده یاتیب ایندی نوامیس حریم
غصه دن زلفون آغاردوب قوجالیب عمه‌لریم
طلقا‌زاده بیزی ایسته‌مور آزاد ائله سین
غیر‌ت و دینی اولانلار بیزه ایمداد ائله سین
حضرتون خطبه سی حضاره گتوردی هیجان
اعتراض ایلدی شام اهلی یزیده اوجادان
اوزنا زاده اولوب عاقبتیندن نگران
ابن مرجانه دیدی ایتدی سیزه بیدادی
قصر خضرایه ئوزیله آپاروب سجادی
معذرت ایستدی حضرتدن او نامرد و دغا
گتوروب قویدی حضور شهه بیر کیسه طلا
دیدی بو سکه لری قانلاروزه ایله بها
ضمنا هر خواهشون اولسا منه خدمتده وارام
دیدی سجاد گوتور بو قیزیلی ایله حیا
گر یرون تپراقی داشلری اولا مغز طلا
اکبرون فکر ایلمه کاکلینه قیمت اولا
خون بها سندن ئوزی حشریده خونخواه آلاجاق
قیمتی چوخدی آخان قانلارین الله آلاجاق
اوچ تمنا ایدورم بسدی قبول ایتسون اگر
آتامون قانلی باشون ویر اَوَل ای فتنه سیر
قانلی لبلردن ایدوم بوسه توکوم اشک بصر
ایکیمینجی بیزه لازمدی لباس شهدا
وطنه الده گرک تحفه آپارسون اسرا
اذن ویر بیرده شهیدانه قوراق بزم عزا
قیلسون آزاد خانم عمّه لریم آه و نوا
اوّلین خواهشی ردّ ایتدی رئیس طلقا
دوّم و سوّمینی ایلدی ناچار قبول
قصره گلسون دئدی یاس دوتماقا اولاد رسول
سویدوروب بیر اطاقین پرده سینی زینتینی
قاره چکدیردی عزاخانه ایدوب صورتینی
هنده آلدی نظره یاسلیلارون حرمتینی
قصریده کیم واریدی بیر بیر ایدوب اهل عزا
ئوزیده قاره گیوب سالدی کنیزلرده قرا
وقت اولوب اهل حرم قصره گلوب داخل اولا
زینبی گوردیله حیران باخوری صاق و صولا
گیدروک کاش رقیمده دیدی بیزلن اولا
بالامون دردی یانان قلبیمی بی جا سیخمور
خیرداجا قبرینون عشقی ئورگیمدن چخمور
زینبی دوره لدی عترت سلطان نجف
ترکویرانه ایدوب قویدیلا یوز قبره طرف
هاموسی گوز یاشی گوزده هاموسی دلده اسف
هنده پیشوازه چخوب آچدی محبت علمین
یوزی اوسته یخیلوب زینبون اوپدی قدمین
خوش گلوبسن بو ایوی ایله عزاخانه خانم
هئچ برازنده دگولدی سنه ویرانه خانم
من کنیزم سنه فرض ایلمه بیگانه خانم
هنده نون گوزلری قربان اولا بو گوز یاشوا
بویور اگلش سنه قربان دولانوم من باشوا
قسمت اولمادی گورم حیف اولا دلبر قیزوی
ئوزی زیبا سوزی شیرین و سخنور قیزوی
آقامون گوزلرینه گوزلری بنذر قیزوی
گلون ایندی هامومیز عهد و وفا باغلاشاقون
ویره گون باش باشا ایوده او قیزا آغلاشاقون
اطاقا چکدیله زینب یادا سالدی وطنین
سوزش غصه قیزیشدیردی او یورقون بدنین
دیدی هنده گتورون قارداشیمون پیرهنین
ویرمه سوز کوینگی بو قصریده طوفان ایدرم
نیلورم مسکنی ویرانیه دورّام گیدرم
گتدیلر پیرهنی ایتدی تبرک گوزونه
اوپدی اوخلار یرینی چکدی سارالمیش یوزونه
صورادان الده دوتوب منظره ایتدی ئوزونه
سسلنوبدی آنا زهرا سوزووه ائتدیم عمل
آلمیشام یوسفوون کوینگینی باخماقا گل
شاعر : مرحوم انور
و گریز به حضرت امام سجاد (علیه السلام)
غریب اُلنده گلور نالیه گوی اهلی تمام
خصوصاً اَزهد مخلوق اولا جهاندا اِمام
غریب چوخلار اُلوبدور بو دار دنیاده
ولیک هیچ بیری چاتماز غریب بغداده
جهاندا هانسی غریب ستمکش و مضطر
عزیز فاطمه موسی بن جعفره بنزر؟
گورونمیوبدی گورونمز بو کون و امکاندار
غریب امام اُله زنجیره باغلو زنداندا
ندندی اولمادی ویران بو عالم امکان
گلوب تلاطمه دریالر ایتمدی طغیان
توکولمدی یره گوگلر، داغیلمادی افلاک
گلوب تزلزله خسف ایتمدی اُوز اهلینی خاک
او کس که گلشن توحیده بیر قزل گُلدی
وطندن اِئلدن اوزاق حبسخانه‌ده اُلدی
ندندی یُولّامادی کردگار بی همتا
او حبس‌خانیه معصومه شکلده حوراء
گلوب امامین آلیدی باشین دیزی اوسته
دییدی ای گوزی یولّاردا جان ویرن خسته
قیزون گلوبدی آز اشگون یوزه روان ایله
بو صون نفسده گوز آچ دردوی بیان ایله
بیر اوزگه نسگیلی واردور غریب بغدادین
دیولسه شیعه‌نین اودلار عُروق و اکبادین
نقدر مُجرم اولا بیر نفر بو دنیاده
که سالمیا اونی زنداندا بیر نفر یاده
همینکه اُلدی ندیده دوتالّا تقصیرین
ایده لّله قیددن آزاد آچالّا زنجیرین
امامی ایتمدیلر قید ظلمدن آزاد
خراب اولیدی گوروم کاش عالم ایجاد
بو یازدیقیم خبره ایستسوز اگر مدرک
یرین نشان ویرورم من ـ او سیز او مستدرک
دوشن تفکّره باب وصیّته باخسون
اونوندا من کیمی خونِ دلی یوزه آخسون
ز بسکه قیدیله دوتموشدی شاهدین الفت
ویرنده جان اودی ایتدی وصیّت اول حضرت
بو بیکسه ایله بیر ظلم، ایلیوب هارون
که گورمیوبدی نظیرین بو گنبد وارون
جزاده شاهد اولا من دوام ایدن جبره
قویون اُلنده بو زنجیریله منی قبره
گلنده حشره ایاقیمده اولسا بو زنجیر
بوتون قیامتین اوضاعینه ویرر تغییر
فشار قید جفادن چکنده من فریاد
اولار محبّ‌لریم قید قهردن آزاد
زمین حشره بو قیدیله ولوله سالّام
من بو حاله سالانلاردان انتقام آلّام
اوگونکه مهدی موعود اولوب عیان گله‌جاق
اورکلره سو سَپَن انتقام آلان گله‌جاق
خزان دهر دونوب تازه نو بهار اولاجاق
هامی ستمگر ایدن ظلم آشکار اولاجاق
او گلمیوب نقدر شیعه‌لر گَلَر داده
حسینه گاه یانار گه غریب بغداده
ایدوبله قیدیله باب الحوائجی مدفون
حسین اولوبدی ولی کربلاده غرقه بخون
ائمه‌نین هره‌سین بیر ستمگر بیدین
فشار ظمله سالوب قانه دوندروب اوره‌گین
سالوبدی محبسه هارون غریب بغدادی
یزید شامه چکوب دست بسته سجّادی
اولیدی کاش نه زنجیر آدی بو دنیاده
نه ظلمیله ورولیدی امام سجّاده
امام عصری او زنجیر آدی ایدر دلگیر
دلیمده یوخدی توانا دیون نجه زنجیر
او کس که عالم امکانه نور لامعه دُر
وجودینه وورولان غُلّ ـ غُلّ جامعه دُر
نقدر فیض آپارار خلق نور لامعه‌دن
امام او قدر چکوب رنج غُلّ جامعه‌دن
(حسینی) آغلاسا هر کیم امام سجاده
ورولماز اول کسه زنجیر دار عُقباده
شاعر : مرحوم حسینی سعدی زمان
